Vas velo, trebeyos pal aula
El certame tevo como premiu la edición de 300 exemplares de cada xuegu y un intercambéu cultural cola ciudá portuguesa de Miranda deo Douro.
25 escolinos de dambos centros viaxaron el fin de selmana caberu esta ciudá. La so llingua, el mirandés, vien del asturianu.
Los alumnos del Doña Ximena ganaron "De coríu a coríu", un pasatiempu inspiráu nel xuegu de la oca y que contién lésicu rellacionáu cola casería asturiana.
Pola so parte, los estudiantes del Miliu Alarcos presentaron "El xuegu de la llingua", una variedá del xuegu "Tabú", pero n´asturianu y que tien tres tipos d´entrugues. Hai una esbilla de cuestiones qu´esixen la descripción del significáu de delles pallabres n´asturianu, entrugues al rodiu de la gramática y Asturies, pruebes pa poder avanzar nel tableru. Esti xuegu repartiráse ente l´alumnáu de Secundaria y "De coríu a coríu" ente los escolinos de los dos caberos cursos de Primaria.
El xuráu formábenlu Dª Carmen Rúa y Dª María Xosé Rodríguez, que foron presidenta y secretaria respeutivamente. Como vocales estuvieron el xefe del Departamentu de Programes Educattivos de la Fundación Municipal de Cultura, D. Manuel González, el coordinador de deprendimientu de la llingua de la Conseyería d´Educación y el vicesecretariu y miembru de l´Academia de la Llingua Asturiana, D. Urbanu Rodríguez
No hay comentarios:
Publicar un comentario